Kan hriattheih chinah Hlimen leh Melthum inrina bulah lei tawlhin chhiatna  nasa tak a thlen a, thi leh hliam an awm nual a, engzat chiah nge tih tun dinhmunah hriatchian theih a la nilo. Ruang pathum chu lak chhuah tawh niin thudawn a ni. Salem Veng khurpui bulah lei tawlhin in a hnawl bawk.

Vaivakawn to Chanmari West inkalpawhna Chanmari West tawntirh, CM bungalow thlanga In tlu in kawng a hnawhping a, Vaivakawn to Sairang road, leimin na ṭhin ah lei tla in airport kawng a hnawh ping mek bawk. Vaivakawn to Temple inkar, Tuikual ah lei tla in kawng a hnawh phui a, ruah a la sur zel avangin duh angin leimin thenfai hleihtheih a la ni lo.

Kanan Veng thlamual pawh a min a, kuang hnawl chhuah a nei nual nia hriat a ni. Hei bakah Aizawl veng hrang hrangah ruahsur nasa vangin harsatna a thleng mek. Chanchin update zel tum a ni ang.